الهيئة المصرية لمكافحة سرطان الثدي BCFE

ان شاء الله هبدأ اعرض اعمال
PLAN n PLAY
خلال البوستات الجايه وكل يوم هتناول عمل منفرد

--------------------------

النهارده هتكلم عن بروشور صممناه ونفذناه طباعه اوفست للهيئة المصريه لمكافحة سرطان الثدي ، الفكره من البروشور ده انه بيحاول يوصل لشريحه عمريه معينه اجراءات الكشف الذاتي على الاورام ، واستشارة طبيب في حالة الشك في ورم معين انه غير حميد لا قدر الله . المهم اننا لما بدأنا العمل على التصميم ، واجهتنا صعوبة بالغة نظراً للنواحي الادبية وحساسية الموضوع ، لأن تصميم يتناول مسأله عن ثدي المرأة طبعا لطبيعة مجتمعنا مهمه صعبه جدا ، قررت الشركه انها تتحرك في اطارين : الاول ملامح الحياه اللي ممكن نلاقيها في اللون الاخضر والنبات والندى وكل اللي من شأنه يعطي ايحاء بالحياة ، والاختيار ده اترفض الاختيار الثاني اننا نركز على كاركتر مجرد ولون انثوي شويه فكانت النتيجة كالتالي :

تم قبول اللون من العميل ، لكن صعـّـب علينا المهمه ، لأنه لفت نظرنا للكاركتر وقال بان الشخصية انطباعها العمري لا يزيد عن العشرينات ، والشريحة الاساسية اللي بيخاطبها البروشور هي سن الاربعين فيما فوق ، علشان كده اشتغلنا على التصميم من جديد علشان الكاركتر يعطي السن المطلوب ، وكانت النتيجة التي قوبلت بالقبول من العميل كالتالي :

By

PLAN n PLAY